Oybek 1905 yil 10 yanvarda Toshkent shahrining Gavkush mahallasida dunyoga kelgan. Bu mahalla O‘zbekiston Milliy akademik drama teatrining binosi o‘rnida joylagan edi. Bo‘lajak adib tor va ilon izi yanglig‘ egri-bugri mahalladagi g‘arib bir oilada tug‘ilganligi uchun ta'lim va tarbiya texnikumining yotoqxonasida yashab o‘qigan. Oila qurganidan keyin esa Toshkentning 4 dahasida, ijara uylarda umr kechirgan. Nihoyat, 1940 yili davlat fan va madaniyat xodimlariga ham yer taqsimlab bera boshlaganida, unga-da 600 kvadrat metrlier nasib etgan. Adibning rafiqasi Zarifaxonim qurilishning ham “arxitektur”i, ham “prorab”i, Oybekning o‘zi esa ham pul topuvchi, ham eski, qing‘ir-qiyshiq mixlarga “yangi hayot” bag‘ishlovchi “chilangir” sifatida ustalar bilan birga ishlab, o‘sha yilning 30 dekabrida yangi uyga – o‘z uylari - o‘lan to‘shaklariga bir amallab kirib olishgan.